Mission Amrit | साक्षीदार न्यूज | संत निरंकारी मंडल, दिल्ली केंद्र यांच्या आदेशानुसार राबविण्यात येणाऱ्या “मिशन अमृत – स्वच्छ जल, स्वच्छ मन” या अभियानांतर्गत जामनेर येथे स्वच्छता उपक्रम राबविण्यात आला. सदगुरु माता सुदिक्षाजी महाराज यांच्या कृपेने व परम आदरणीय सुशीलजी दारा (क्षेत्रीय संचालक) यांच्या मार्गदर्शनाखाली जामनेर ब्रांच सेवादल युनिट क्रमांक 1359 अंतर्गत हा उपक्रम पार पडला.
दि. 22/02/2026 रोजी रविवार, सोनबर्डी येथे जामनेर शहर पाणीपुरवठा जलकुंभ परिसरात स्वच्छता अभियान आयोजित करण्यात आले. या अभियानात सेवादलातील सर्व सदस्यांनी उत्साहाने सहभाग घेत परिसर स्वच्छ केला.
कार्यक्रम यशस्वीपणे पार पाडण्यासाठी रतनसिंग परदेशी (सेवादल संचालक), प्रवीण जी शिंदे, देविदासजी पाटील, रवींद्र शिंदे, शंकर माळी, आबाजी पाटील तसेच इतर सर्व सेवादलाचे बंधू-भगिनी उपस्थित होते.
या उपक्रमामुळे परिसरात स्वच्छतेचा संदेश देत सामाजिक बांधिलकीचे उदाहरण घालून देण्यात आले.
“रथ चौकात RTI कार्यकर्त्यांमध्ये जोरदार खडाजंगी! दोन्ही बाजूंकडून पोलीस तक्रार”
